Ingunn er fyrrum knattspyrnukona, uppalin í Val og spilaði meðal annars með KR, Þrótti og PAOK á ferlinum.  Hún tók þátt í endurvakningu samtakanna árið 2022 og var gjaldkeri stjórnar fyrsta árið. Hún vinnur sem læknir á Landspítala.

Hrafnhildur Agnarsdóttir spilaði knattspyrnu með KR allan sinn feril,
ásamt því að spila í bandaríska háskólaboltanum. Hún starfar nú sem
gagnaforritari hjá Embla Medical eftir langa dvöl í Danmörku.

Guðmunda er fyrrum knattspyrnukona, uppalin á Selfossi og spilaði meðal annars með Stjörnunni, KR og HK. Hún tók þátt í endurvakningu samtakanna árið 2022 og hefur verið þeim innan handar.

María Soffía er fyrrum knattspyrnukona. Hún er uppalin í Val en hún spilaði mestan part ferilsins með Val og HK/Víkingi. María starfar sem læknir á Landspítalanum.

Auður Kjerúlf er uppalinn Valsari og spilar í dag með KH og U20 liði Vals. Þrátt fyrir ungan aldur hefur hún þjálfað í að verða sjö ár og starfar í dag sem þjálfari í yngri flokkum Vals og er með KSÍ B þjálfaragráðu. Samhliða þjálfuninni starfar Auður hjá Hagstofu Íslands og er formaður ungmennaráðis KSÍ.

Guðrún Halla er uppalin í Stjörnunni og spilaði þar með meistaraflokki upp úr síðustu aldamótum. Einnig á hún nokkra yngri landsliðsleiki, spilaði í háskóla í Bandaríkjunum og tók eitt tímabil með Hamri í seinni tíð. Guðrún sparkar enn í bolta með alvöru kempum. Guðrún er menntaður verkfræðingur og vinnur hjá Norðuráli.

Toggi er breiðhyltingur en samt uppalinn Framari sem gat aldrei neitt í fótbolta. Er menntaður skrúðgarðyrkjumeistari og rekur fyrirtæki í þeim geira en er auk þess tónlistarmaður og ljósmyndari. Var í meistaraflokksráði kvenna hjá Fram í nokkur ár ásamt því að sitja um tíma í stjórn knattspyrnudeildar og halda utan um samfélagsmiðla félagsins. Er núna að sinna verkefnum fyrir kvennalið Stjörnunnar og Vals.