Tímasetning: 17:30-19:30

Markmið málstofunnar er að eiga samtal um málefni sem stjórn HKK telur mikilvægt að opna umræðuna um til að bæta framtíð knattspyrnukvenna.

Málstofan verður tvískipt. Í fyrri hlutanum verður fjallað um viðhorf og menningu innan fótboltasamfélagsins sem annars vegar stuðlar að og hins vegar stendur í vegi fyrir kynjajafnrétti. Í seinni hlutanum verður rætt um fjármögnun innan hreyfingarinnar og hvernig við getum elft fjárhagslega undirstöðu knattspyrnu kvenna á Íslandi.

Málstofan mun byggja á umræðuhópum sem verður komið af stað með stuttum erindum um hvort umfjöllunarefni fyrir sig. Umræður verða svo teknar saman og kynntar að hluta í gegnum stafræna tækni. Gyða Margrét Pétursdóttir, prófessor í kynjafræði við HÍ, flytur erindi í fyrri hluta málstofunnar. Hrefna Ösp Sigfinnsdóttir, framkvæmdarstjóri Creditinfo, flytur erindi í seinni hluta málstofunnar

Við hvetjum öll sem hafa áhuga á að bæta framtíð knattspyrnukvenna og stuðla að auknu jafnrétti innan íþróttahreyfingarinnar og samfélaginu að taka þátt í málstofunni. Málstofan er opin öllum en í framhaldi verður svo aðalfundur HKK sem öll geta sótt en einungis félagar HKK hafa atkvæðis- og tillögurétt.

Veitingar verða í boði milli málstofu og aðalfundar.

Aðalfundur Hagsmunasamtaka knattspyrnukvenna

Aðalfundur Hagsmunasamtaka knattspyrnukvenna

20:00 - 22:00

Dagskrá aðalfundar

• Kosning fundarstjóra

• Skýrsla stjórnar

• Ársreikningur kynntur

• Fjárhagsáætlun kynnt

• Kynning á lagabreytingum

• Kynning á nefndum

• Stutt fundarhlé 

• Kosningar

• Ályktanir

• Önnur mál og almennar umræður

Við óskum eftir því að félagar skrái sig í krækjunni hér að neðan til að einfalda skipulagningu fundarins. Á eyðublaðinu er einnig hægt að bjóða sig fram til forseta, stjórnar, varastjórnar og í nefndir. Þau sem ekki geta mætt á fundinn geta einnig boðið sig fram. 

Lagabreytingar og ályktanir þurfa að berast stjórn fyrir miðvikudaginn 11. janúar 2023 og öll fundargögn verða send út fimmtudaginn 12. janúar 2023.